李進文／放捒歌詩

2025/05/02 聯合報／李進文

放捒歌詩。（圖／李進文提供）

彼當時，你放捒歌詩。帶著一寡仔躊躇，去誠遠的所在拜訪你家己。

你綴著熱天的跤步，四界行，共過往挕掉，想欲好好仔醫治你家己。

逛書店

NT$

來到闊獅獅的樹林，你佮心內外全員的野性話仙、拍抐涼，安搭拋荒的靈魂……毋管萬物接續生長，抑是不願閣再湠根抽懸。

清氣的天頂，雲咧寫批，佇你心肝頭落名，輕輕仔……相比起來，向時的愛和親情，擱愈輕。

蓋濟你毋挃的物仔，為著別人姑不而將存在。想欲好好仔愛家己，因何需要旁人允准？實在想袂曉。

你佇闊莽莽的外鄉記錄家己，修整缺角，佮本身參詳出一个閣較原全的家己。

彼陣，論真講，你並沒全然放捒歌詩。

你干焦想欲閃避這个時代遐爾仔雄的流量，共別人的歹心計算卸離身。了後，恬恬共你家己減甲比純然的無擱較少，比自底的向望擱較小。

✽放捒pàng-sak：遺棄、放棄

✽挕掉hìnn-tiāu：扔掉

加入琅琅悅讀 Google News 按下追蹤，精選好文不漏接！

心裡畫

李進文，1965年生，臺灣高雄人。職業橫跨出版、數位內容和媒體，創作兼涉新詩與散文。著有詩集《一枚西班牙錢幣的自助旅行》、《不可能；可能》、《長得像夏卡爾的光》、《除了野薑花，沒人在家》、《靜到突然》、《雨天脫隊的點點滴滴》、《更悲觀更要》，散文集《微意思》、《如果MSN是詩，E-mail是散文》，圖文詩集《油菜花寫信》，動畫童詩繪本《騎鵝歷險記》、《字然課》及美術詩集《詩與藝的邂逅》。獲有時報文學獎、聯合報文學獎、中央日報文學獎、臺北文學獎、臺灣文學獎、吳濁流文學獎、林榮三文學獎、2006年度詩人獎、文化部數位金鼎獎等。