劉靜娟
作家好文
劉靜娟／語言的吸收
皮蛋100箍五粒，200箍加一粒，11粒；我講買200箍。賣皮蛋的中年人真誠意，用指頭仔一粒一粒擉（tia̍k，彈），替我選較（khiū，有彈性）的。 我目睭看邊仔的鹹鴨卵，問伊鹹鴨卵按怎賣？100箍七粒。鹹鴨卵炒金瓜、苦瓜和豆腐攏真好用；我就按呢問：「會當兩粒皮蛋換三粒鹹鴨卵無？」
劉靜娟／做小生理嘛著愛有責任感
賣包仔、饅頭的固定拜四會來公園；今仔日早起，我佇邊仔排列等的時，一位老阿伯無好聲嗽共賣包仔的少年家講：「你頂禮拜哪會無來？」「歹勢，我去花蓮旅行，我叫是阮老母會來，想袂到伊無來。」「頂頂禮拜你嘛無來！」「歹勢，彼日落雨；落雨天阮攏袂來。」「落雨天敢就免食早頓！阮慣勢食你的包仔，你無來，阮欲食啥！」
劉靜娟／你敢袂記得矣？
連續接著三通電話，攏聽無；到第四遍才聽清楚，叫我阿媽，講伊是新竹某病院的護理師，有一個叫陳寶珠的人提我的委託書，去替我提啥物證明，講我人無爽快，袂當家己來。 閣來矣！這種電話我接過三四遍；不過，離頂遍可能超過一年矣。（是毋是名單內的老人今年騙無過手，明年閣試一遍？一年老過一年，無的確這年會成功。） 我講彼是騙仔，免tshap（睬）伊。其實我敢毋知影敲電話的「護理師」本身就是騙仔！
劉靜娟／無人欲共你買
因為疫情，真久無去公園和幾位朋友做伙運動。 彼日，因為欲提拜託吳太太替我買的保養品，去in兜（tau，家）巷仔口見面。 老歲仔的保養品毋是美容的，是顧健康的。 兩人講的話也是關係健康的。舊年，阮兩人拄好（tú-hó，恰好）攏有「坐骨神經痛」，我痛正跤（右腿），伊痛倒跤（左腿）；阮後生講阮會當做伙去參加「兩人三跤」走標比賽。 這陣，伊的狀況無啥好；徛（khiā，站）袂直，peh樓梯、落樓梯也食力。 伊問我是按怎好起來的？我講應當是靠家己運動的。