【出版推薦】陳明仁/陳正雄—臺南ê萬事通先生

書名:《灶雞仔 Tsàu-ke-à:台語短篇小說集》  
作者:陳正雄 
出版社:前衛出版社 
出版日期:2021年4月15日
書名:《灶雞仔 Tsàu-ke-à:台語短篇小說集》
作者:陳正雄
出版社:前衛出版社
出版日期:2021年4月15日

1997年走上臺語創作的道路,府城作家陳正雄以新詩、散文、小說的多元創作,開創文學的面貌,榮獲數座文學獎與本土語言推展貢獻獎肯定。

《灶雞仔 Tsàu-ke-à:台語短篇小說集》收錄陳正雄十篇得獎小說作品。以臺語文字,和小說家的眼光,照看臺灣社會與政治環境的變遷,以及世俗凡人與弱勢族群的處境。回顧青春少年時代,紀錄人生不同時期的體悟,面對無常與命運,寫出生命的遭遇和無奈。有詼諧、有溫暖、有悲傷,也飽含淚水。(編按)

文/陳明仁(台語文學家)

  英國ê作家William Somerset Maugham,俗稱Mom,漢字寫做毛姆,有一篇出名ê小說叫做《Mr. Know All》,翻譯作「萬事通先生」。講tī遊輪kap 一个人睏kāng房,真煩。無論講siáⁿ,i lóng是專家。人leh討論真珠,i比一个少婦講i ām-kún hit條絕對是貴som som ê真珠,少婦ê翁婿是軍官,kap i相輸 100 kho͘ 美金,萬事通先生koh chim-chiok觀察hit條phoa̍h鍊,看少婦ê面色各樣,當場認輸,hö͘ 人一百kho͘。半暝有人ùi房間門kha tu 一 ê phoe-lông入--來,té 一百 kho͘ 美金。萬事通先生講,in翁去做兵,i少年bó͘ 孤單守空房,加減有人交往,送i高貴ê真珠phoa̍h鍊,騙in翁講是假的養珠,mā正常。

  作者kā這位萬事通先生ùi負面轉做正面書寫ê工夫,hö͘人o-ló。

  陳正雄是台南一中退休ê公民老師,有機會創作台語文學,先寫詩,尾後小說,真有成績。正雄真興讀冊,台灣ê人文歷史讀真透。照我所知,許丙丁《小封神》所寫ê地頭、廟寺tī toh位,i lóng會sái作導覽。葉石濤ê小說kap作品地點,i上了解,王育德、王育霖ê關係事、地,完全清楚。我bat聽過i專題演講,免看資料,kā兩兄弟ê事件、年代、日子介紹明瞭,便若有團體參訪,i ê導chhöa,連文學、歷史、藝文lóng介紹,講是台南ê萬事通,完全tú好niâ。

  正雄先生ê小說,差不多現場lóng tī台南,主題mā是校園kap台南草地所在ê人士,人物ê描寫,mā會ná像毛姆這樣,kā社會風評無真正面ê老芋仔,各樣gín-á,倒尾塑造到hö͘人感動。我想起日本作家淺田次郎得獎ê短篇小說集《鐵道員》,純文學真gâu寫,這時改寫社會冷派小說系列,kā烏槍建道、軍曹等人物寫到真心適、古chui!正雄兄無hit款社會經歷,mā有才調創作這款身份kap行做無kāng層次ê書寫。

  前幾年,阮tī台南林森路正雄ê厝--nih有辦文學讀冊會,hit間厝tī鐵支路邊,siuⁿ吵,i無toà hia,我tī台南就睏hit ê所在。台南文兄俊州、定邦、裕凱、李林波等會參加,有時建成、芸明、柏榮mā會來,討論文學書寫ê各種層面,對作家來講,應該是有行氣chiah tio̍h!正雄愛參加文學獎,教育部、台南市、高雄市辦--ê,若有機會,lóng會參加。這本小說集,lóng是得獎作品,有時˜是it著獎金名聲,i想beh愛台南成立王育德,chhöe機會beh請求市長,若得頭名,會tàng公開發言,為án-ni,i得頭賞,市長soah無來,koh拚後屆,chiah有賴清德出席,有機會成立王育德紀念館。黃昭堂紀念館,i mā tàu爭取。

  我上愛聽i講有關台南歷史人物ê情物,像湯德章等等。有文學家寫著台南ê所在,i lóng會報我知,地點是這時toh一條街巷幾號。真正ê萬事通先生。我樂意推荐這本小說集!

●本文摘選自《灶雞仔 Tsàu-ke-à:台語短篇小說集》推薦序。


紀念館 台語 前衛出版 閱讀風向球

逛書店

延伸閱讀

元宇宙商業開拓者 馬修.伯爾開創之作《元宇宙》

佔領一個鑽石礦等同帶著一把槍──「血鑽石」的源起

《環形思維》機遇也往往潛藏在細節之中

每周寄10封email、信中只有「恭喜你」3個字⋯他就建立龐大人脈網?

猜你喜歡

udn討論區

0 則留言
規範
  • 張貼文章或下標籤,不得有違法或侵害他人權益之言論,違者應自負法律責任。
  • 對於明知不實或過度情緒謾罵之言論,經網友檢舉或本網站發現,聯合新聞網有權逕予刪除文章、停權或解除會員資格。不同意上述規範者,請勿張貼文章。
  • 對於無意義、與本文無關、明知不實、謾罵之標籤,聯合新聞網有權逕予刪除標籤、停權或解除會員資格。不同意上述規範者,請勿下標籤。
  • 凡「暱稱」涉及謾罵、髒話穢言、侵害他人權利,聯合新聞網有權逕予刪除發言文章、停權或解除會員資格。不同意上述規範者,請勿張貼文章。